يوم من الايام كنت بالبيت انا واهلي طلب مني اخوي تفاحه خضراء المهم الولد اكل نصها ورماها بالزباله اكرمكم الله اللي بالصالون وبعدين طلعنا من البيت تقريبا ساعه او ساعتين تذكرت نسيت غرض بالبيت ويوم رجعت وش لقيت ؟ لقيت التفاحه بالارض بوسط الصالون المهم اخذتها ورميتها بالزباله الله يكرمكم وماحطيتها في بالي قلت يمكن اخوي يوم رماها طاحت ومحد انتبه لها وطلعت من البيت حوالي 3 ساعات ويوم رجعت البيت ثاني انا واهلي لقيت التفاحه مره ثانيه بوسط الصالون قلت لهم انا شفتها يوم رجعت المره الاولى ورميتها بنفسي محد صدقني المهم رميتها ثاني وفي نفس الوقت كنت خايفه وشاكه بس على خفيف وجى في بالي البيت مسكون يعني فيه جني ونمت ويوم صحيت الفجر الساعه 4 احضر الدرس كنت مدرسه على ايامها وش لقيت ؟ التفاحه بوسط الصالون انا هنا مت من الخوف وصحيت اهل البيت قلت لهم صدقتوا كلامي البيت مسكون قالوا يمكن فلان ولا علان طيحها على الارض ورحت المدرسه وشرحت الدرس وخربتها يومتها استغربت المشرفه لانه هذا مو مستواي في التدريس حكيت لها القصه قالت افتحي قران بالبيت
المهم اليوم الثاني انا صاحيه بالفجر تخيلوا وش لقيت ؟؟؟؟؟؟
فار طلعت كل القصه وراها فار
ههههههههههههههههههههههه والله جد القصه بس الحمدالله شفته بعيني ولا كان للحين موسوسه